Jaioberri bat gure bizitzetara iristea errepikaezina eta iheskorra da. Gure haurra oso azkar aldatzen da, konturatzen zarenerako jaioberria izateari uzten dio. Horregatik, saiorako momentu egokiena lehenengo 5-15 egunak dira. Lehenengo egun hauetan jaio berri gehienak loaldi luzeak egiten dituzte eta oraindik sabelean zegoeneko bizitza gogoraziko diguten posturak hartzen dituzte. Horregatik hobe duzue nirekin erditu aurretik harremanetan jartzea, saiorako agendan tarte bat erreserbatzeko.

Hiru ordu inguruko saioa da, nahi diren argazkiak lortzeko beharrezkoa den denbora hartzen da. Goiz osoa irauten du, saio lasaia izaten saiatzen naiz, haurtxoak bere beharrak ditu eta horiei erantzuten saiatuko gara. Anai-arreba eta gursaoekin ere egingo ditugu argazkiak nahi izan ezkero. Estudioa prest egongo da familia osoa gustura egon eta saioaz gozatu ahal dezazuen.

NON EGITEN DIRA SAIOAK?

Argiztapen naturala duen Urretxuko estudioan egiten ditut saioak, Gipuzkoan. Posible da zuen etxeetan egitea saioa egiteko leku egokia izan ezkero.

ZER ORDUTAN DIRA SAIOAK?

Ahal dudan guztietan argiztapen naturalakin egiten saiatzen naiz.
Barruko saioak goizetik egitea nahiago izaten dut edo arratsaldeko lehenengo orduan, estudioan argi gehien sartzen den orduetan.
Kanpoko saioetan atsaldeetan egitea nahiago izaten dut. Nere ustez eguzkia sartu aurretik dagoen argia goxoena eta politena da. Hala ere beti zuen ordutegira moldatzeko arazorik ez dago.

ERRESERBA EGITEA KOMENI AL DA?

Beti hobe erreserba egitea agendan tarte bat gordetzeko, batez ere jaio berri saioetarako erditze inguruan tarte bat gordetzeko.

ZENBAT DENBORA ITXARON BEHAR DUGU ARGAZKIAK JASOTZEKO?

Lan kargaren arabera izaten da, baina normalean bizpahiru aste.

ARGAZKI DIGITALAK, JPG FORMATUAN IZANGO DITUGU?

Aukeratutako saioaren arabera argazki batzuk prozesatuta eta erresoluzio altuan emango dizkizuet nahi dituzuen anpliazioak egin ahal izateko. Galeriako gainontzeko argazkiak erresoluzio bajuan, 15x10 zm-tako argazkiak inprimitzeko moduko tamainan.

NOLA AUKERATUKO DITUGU ARGAZKIAK?

Gehien gustatzen zaizkizuen argazkiak Ikuxkako web orriko galeria pribatu batetik aukeratu ditzakezue.

ZEINTZUK DIRA ERROPA EGOKIENAK?

Argazki saioa egiteko zara eta ez dakitzu ze jantzi? Pertsona bakoitza janzteko modu bat dugu eta nik hori argazkietan jaso nahiko nuke, ez nuke nahi zuek mozorrotzerik. Zuek erretratatu nahi zaituztet eta arropak zuen pertsonalitatea ere azaleratzen dute. Zu eroso sentitzen zaren eta hauek jantzita polit ikusten zarena izan dadila. Haurrak ere jantziarekin eroso sentitzen badira beraren parte hartzea erreztuko du.
Behin hau esanda lagungarri izan daitezkeen aholku edo gomendio batzuk emango dizkizuet, klikatu hemen.

JAIO BERRI SAIOETAN ATREZZOA ERAMAN BEHAR DUGU?

Ez duzue ezer ekarri beharrik. Estudioan erabili beharreko atrezzo guztia eskura izango dugu, oihalak, mantak, haurrarentzat gorrotxoak, zapiak,… Pertsona bereziren batek eginiko gorrotxo edo mantaren bat agertzea nahi izango bazenute ekarri.

ZER GERTATUKO LITZATEKE EZIN IZANGO BAGENU SAIOA BURUTU?

Batzuetan gertatzen da egun txarra duela haurrak eta ezin dugula saioa burutu. Kasua suertatu ezkero lasai, beste egun baterako utziko genuke.

GURE ARGAZKIAK WEBORRIAN EDO FACEBOOKEAN ZINTZILIKATUKO DITUZU?

Bezero guztiei galdetzen dizuet zuen saioko argazkiak argitaratzerik nahi duzuen. Horretarako saioa bukatzean saioko argazkiak igotzeko baimena eskatuko dizuet baimen-inprimaki baten bitartez. Zuen esku dago inprimakia firmatu edo ez. Nere lana ezagutzera emateko modu bakarra da eta beti helburu on batekin egiten dut. Web orri hau ere ez litzateke posible izango baietza eman didaten hoiengatik ez balitz, eskerrik asko benetan guztioi!

EGITEN AL DITUZU BESTE SAIO MOTA BATZUK?

Agertzen diren saioez gain jaunartzeko argazkiak, aiton-amonekin saioak, bikote argazkiak eta gehiago egiten ditut. Konta iezaidazu zer duzun buruan eta seguru zerbait topatuko dugula.

Jaio berri saioa ESTUDIOAN

Gorde lehen egunetako oroitzapenak

Ohiko galderak